Møreforsking med rapport om levekår i Kristiansund

Resultatet av Mørsforskings arbeid er oppsummert i rapporten: "Levekår i Kristiansund"

I rapporten skriver Møreforsking blant annet:

Dei organisatoriske forholda ligg til rette for vidare arbeid med betring av levekåra i Kristiansund. Det vil vidare vere grunnleggande å sikre ei god forankring av arbeidet, både i planverk og i den administrative og politiske leiinga i kommunen, samstundes som ein trekkjer på dei ressursane og den interessa det er for desse spørsmåla både i næringslivet og lokalsamfunnet elles.

Den naturlege oppfølginga av dette er eit forum som representerer breidda i interesser, med deltaking frå offentlig, privat og frivillig sektor, der arbeidet med vidare konkretisering og oppfølging av levekårutfordingane i Kristiansund er tema. Dersom dette skal vere eit operativt forum, snakkar om ei relativt lita gruppe sentrale aktørar.

Det viktigaste er å få med representantar som både har interesse for problemstillingane knytt til levekårsituasjonen i Kristiansund, og som samtidig har legitimitet hos dei interessene dei skal representere.

Om ein lukkast med ei slik organisering, har ein eit forum som kan vere eit utgangspunkt for å styrke samarbeidet mellom frivillig, offentleg og privat sektor rundt problemstillingar knytt til levekårutfordringane i Kristiansund.

Rapporten er vedlagt under.